Negusyante-nakaplagang patay sulod sa iyang tindahan

27

General Santos City—patay na dihang nakaplagan ang usa ka 58 anyos nga negusyante sulod mismo sa iyang tindahan nga nahimutang sa Panlaque Building, P. Acharon Boulevard, Barangay South Gensan.

Ang biktima nailhang si Roman Tiu Yu, 58, negusyante ug nanag-iya sa Transxever Trading ug residenti sa maong lugar. Sa inisyal nga imbistigasyon sa Police Station 1 nasuta nga alas 8:00 sa buntag kagahapong adlawa Hwebes, Sept. 14, 2017 natingala nalang ang mga empleyado sa nahisgutang negusyante tungod wala kini nangabli sa iyang tindahan.

Tungod niini usa sa iyang staff ang mitawag ngadto sa pag-umangkon sa nahisgutan nga si Sheila Yu Yusepeng aron ipahibalo nga wala nakapangabli ug tindahan ang biktima. Apan sa pagtuong nahinanok lang ug katulog ang negusyante ila una kining gipasagdan apan pag abot ug ala 1:30 sa hapon midisisyon ang pag-umangkon nga pugsanong ablihan ang tindahan aron sayron ang sitwasyon sa iyang uyuan nga anaa nagpuyo sulod sa iyang tindahan.

Nakurat nalang sila dihang nakit-an ang patayng lawas sa negusyante nga anaa tapad sa cashier table. Gilayong gihiling sa mga taga SOCO ang patayng lawas sa nahisgutan apan wala man hinuon silay nakit-ang Foul play sa kamatayon sa nasangpit nga negusyante.

Facebook Comments