General Santos City—Sikop ang usa ka negusyante human nga nakuhaan ug armas atol sa gipahigayong ronda sa kapulisan nga sakop sa Police Station 3 inabagan sa Joint Task Force Gensan ug uban pang unit sa kapulisan, alas 4:00 ang takna kaganinang kabuntagon.
Suspek giilang si Roman Senar Villanueva, legal age, residenti sa St., Joseph, Barangay Lagao Gensan.
Nakuha sa posisyon sa nasangpit ang duha ka unit sa armas nga gilangkuban ug 9mm ingon man shotgun ug mga buhing bala.
Gibutyag sa negusyante nga kumpleto ug dukumento ang iyang mga armas apan subay sa pahayag ni Police Chief Inspector Peter Pinalgan, Hepe sa Police Station 3 nga basi sa ilang pag suta sa kampo crame, ang pusil nga kalibre 45 sa maong negusyante maoy bugtong may dukumento ug walay mga papeles ang duha ka mga armas nga una na nilang narekober atol sa ilang ronda sa panimalay sa suspek.
