Davao City – Migawas sa pagtuon sa mga eksperto sa ubang nasud nga mas daling maapektuhan sa bag-ong COVID variant nga gitawag karon nga B117 ang kabatan-unan.
Kini ang gibutyag ni Dr. Butch Ong sa OCTA research team atol sa interview sa DXDC RMN Davao.
Sumala niini nga paspas ang transmission sa bag-ong COVID variant itandi sa gisagubang nga COVID-19 karon sa katawhan.
“Yung bagong variant, tinatawag nating B117… Nag-mutate lang ng konti ang virus… Ang characteristics nito ay mabilis kumalat kaysa yung dati, 70% faster transmission… The new variant apparently affects children more than before,” segun ni Dr. Ong.
Matud ni Dr. Ong nga base sa pagtuon sa ubang nasud, kung ang kabatan-unan dili kaayo infected sa COVID-19, lahi karon ang sitwasyon sa bag-ong COVID variant gumikan nabutang sa risgo ang younger population karong panahona.
Niadtong milabayng gabii, gibakwi ni President Rodrigo Duterte ang gipagulang resolusyon sa Inter-Agency Task Force on COVID-19 nga pagawason na ang mga batang nag edad og 10 anyos pataas diin matud sa pamuno nasud delikado alang sa mga bata ang paggawas-gawas nunot sa hulga sa bag-ong strain usab sa COVID busa pondo una sila sa sulod sa balay.
RadyoMaN Renz Barbarona
