Davao City – Padayong nanawagan ang Philippine Drug Enforcement Agency (PDEA-XI) ngadto sa katawhan nga padayong magmabinantayon kontra droga sa ilang mga lugar tungod sa padayong pagkaylap sa illegal drugs sa nagkadaiyang lugar sa nasud subay sa gipagawas nga order ni Pres. Rodrigo Duterte.
Sumala ni PDEA-XI Regional Director Antonio Rivera, gikinahanglang vigilant kanunay ang mga tawo diha sa ilang barangay pinaagi sa Barangay Anti-Drug Abuse Council (BADAC) tungod kay ang mga sindikato nag-upgrade ug nag-innovate usab sa ilang mga modus operandi sa pagpalusot sa mga kontrabado.
Tungod niini, nanawagan usab ang anti-narcotics bureau sa mga tag-iya’g mga high-end subdivision ug condominiums sa syudad nga pakusgan usab ang ilang kampanya kontra droga pinaagi sa pagbantay ug pag-monitor sa mga tawo nga mosulod-gawas sa ilang lugar or establisimiento.
Giklaro usab sa hepe sa PDEA-XI nga walay igong rason nga masusama sa Mexico ang Pilipinas tungod kay nabungkag na ang mga shabu laboratories denhe sa nasud sa dihang nilingkod si Duterte isip pamuno-nasud.
Gipasabot ni Rivera nga bugtong himoon lamang gayud aron dili makasulod ang droga sa Pilipinas mao ang hugot nga pagbantay ilabi na diha sa kadagatan.
RadyoMaN Bernard Pantallon
