General Santos City— Gipaklaro ni Atty. Thelma Pantig, Deputy Director sa Bangko Sentral Ng Pilipinas Gensan nga bulan sa Hulyo pa pormal nga i-launch ang New Generations Coins kon ang bag-ong mga silsilyo sa nasud dungan sa anibersyao sa BSP.
Sumala niya nga basi sa bag-ong mga sinsilyo adunay unom ka hulagway kun idanti sa mga sinsilyo nga una ng gipagawas 23 katuig na ang nakalabay nga adunay 7 ka mga hulagway.
Bulan matud pa sa Marso ning kasamtangang tuig dihang gipagawas sa publiko ang unom ka mga silsilyo nga gilangkuban sa 10 piso,5 piso, 1 piso, 25 sentimo, 5 sentimo ug 1 sentimo.
Pag-angkon ni Atty. Pantig nga sagad gyud sa uban ang adunay problema sa pagtan-aw sa kwarta apan iyahang gipaklaro nga ayha pa man gipagawas ang maong New Generation Coins, gitun-an na kini pag-ayo.
Sumala niya nga kung tan-awon, adunay kalahian ang maong mga bag-ong kwarta kung basihan ang disenyo, ang gidak-on ingon man ang bayani nga nabutang niini. Aminado man usab siya nga adunay uban ang dili pa mudawat sa maong New Generation Coins gumikan wala pa nailhan sa publiko.
Dugang pamahayag ni Atty. Pantig nga uban sa mga bayani ang na New Generation Coins sama ni Emelio Aguinaldo nga kanhing ana sa singko nga karon gibutang na sa bag-ong 200 pesos.
Samtang gibutyag niini nga gikan Enero hangtud Mayo 30, mukabat na sa kapin 15milyones ka pesos nga New Generation Coins kon bag-ong mga sinsilyo ang ilahang nadawat gikan Sa Bangko Sentral Ng Pilipinas National ug kapin 14 milyones na ang ilahang na-release dinhi sa dakbayan.
