Davao City – Pinaagi sa House Bill No. 6633 kon ‘Better Normal for the Work and Public Spaces Act of 2020,’ mahatagan na og lig-on nga pundasyon ang COVID-19 preventive measures nga gipatuman karon sa nasud.
Sumala ni Integrated Bar of the Philippines (IBP-Davao Chapter) President Atty. Maceste Uy, ang balaud nagtumong sa pag-organisa sa COVID-19 protocols sama sa social and physical distancing ug pagsuot og face mask nga gi-imposar karon sa Pilipinas.
Sa maong balaud, mandatory na unya ang pagsunod sa mga establisimiento ug sa katawhan sa pagbuhat sa personal hygiene, paghugas og kamot, paggamit og alcohol ug sanitizer nga alkontra sa virus.
Matud ni Uy, maayong sumbanan ang gidusong balaud sa pagdisiplina sa mga Pilipino ug labaw nang sa mga gahi’g ulo sa pagsumite ug pag-respeter sa mga guidelines sa COVID-19.
Dugang ni Uy nga dili mayatakan ang tawhanong katungod sa matag indibidwal ubos sa ‘New Normal’ Bill nga karon humana og salang sa Technical Working Group (TWG) sa Kongreso.
Ang HB No. 6633 nahasubay sa nasudnong direksyon kontra virus diin nagtudlo sa mga Pinoy nga himoon nang parte sa kinabuhi ang bag-ong normalidad, panapos sa hefe sa kahugpungan sa mga lawyers denhe sa syudad sa Davao.
RadyoMaN Joel Viray
