Davao City – Dili pa dayon maka-avail sa multi-purpose loan ang mga bag-ong miyembro sa Pag-IBIG fund.
Kini ang giklaro nila Jessa Torres ug Chrislen Campaña sa Pag-IBIG fund Davao atol sa interview sa tulumanong Serbisyong Straight to the Point.
Sumala pa nga kinahanglan mabayaran ang kontribusyon sa 24 months o duha ka tuig ayha maka avail sa loan.
Subay kini sa pangutana sa usa ka texter kung tinuod ba nga pwede maka loan kada unom ka bulan, apan matud sa Pag-IBIG fund nga alang kini sa mga mag reloan o kadtong naka 1st loan na og buot pa mu-avail sa loan og balik.
Dugang pa nga kinahanglan mabayaran ang eksaktong monthly amortization sa mga buot mureloan aron maka avail balik niini human sa unom ka bulan diin matud pa og dili eksakto ang bayad, dili usab maka-reloan sa Pag-IBIG fund.
RadyoMaN Renz Barbarona
