Dakup sa buy bust operation sang mga katapo sang Police Precinct number 1 ang isa ka newly identified drug personality sa Plaza Libertad kaina sang hapon.
Ginkilala ang subject nga si Hillard De Juan, 28 anyos, tumandok sang Aklan apang nagapuyo sa Rizal Estanzuela, City Proper.
Ginpahayag ni Police Lt. Col. Jonathan Pablito, hepe sang Police Precinct number 1 nga natigayon nga mabaklan sang poseur buyer sang is aka sachet sang suspected shabu si De Juan sa balor nga 600 pesos.
Nakuha man sa iya posisyon ang duha pa ka sachet sang suspected shabu.
Sa karon, priso sa Lock up cell sang PP1 si De Juan kag magapangatubang sang kaso nga paglapas sa RA 9165.
Facebook Comments
