Naghimo’g tulo ka panagtigum ang buhatan sa National Food Authority sa probinsiya sa Bukidnon sa tanang NFA “Accredited Rice Outlets” nga gipahigayun sa “NFA Buying Station” nga anaa mahimutang sa Maramag ug duha ka siyudad sa Valencia ug Malaybalay arun sa pagpahibalo ug ipahimangno ang mga sumbanan sa pag-display sa mga bugas.
Tuyo usab niini mao ang paghatag sa oryentasyon ngadto sa mga “retailers” o “NFA rice outlets” bahin sa “Rice Distribution Policy” o polisiya sa pagpamaligya sa bugas uban sa pahimangno nga likayan ang mga kalapasan sama sa mosunod : Pagpasubra sa Presyo (OVERPRICING), pagsagol sa bugas nga NFA ug bugas nga commercial, dili pagbutang sa “Price Tag”, pagbaligya sa bugas nga walay “NFA LICENSE” UG DIBERSIYON.
Sa interview sa RMN Malaybalay ngadto kang Ma. Celeste r. Gaabucayan ang provincial manager sa NFA Bukidnon nagpahinumdom usab kini nga ang “rice box” nga gamiton sa pag displi sa bugas kinahanglan limpiyo kini ug pinintalan sa puti kay butangan man kini sa pagkaon. Ang gitawag nga outlet mao usab ang rehistradong “retailers” nga otorisado sa pagpamaligya sa NFA Rice.
Ang maong mga NFA rice nga naabot sa Bukidnon kabahin sa 250,000 MT nga gi-import gikan sa Vietnam ubos sa “government to government” rice importation”.
