Gipahilom una ni Presidente Rodrigo Duterte si National Food Authority Administrator Jason Aquino sa pag-istorya kalabot sa suplay sa bugas sa nasud.
Matud ni Presidential Spokesman Harry Roque, base sa ilang nahisgutan bahala na ang N-F-A Council nga maghatag sa pahayag bahin sa kahimtang sa suplay sa N-F-A rice.
Sayop matud pa ang pahayag ni Aquino nga molungtad na lamang sa duha ka adlaw ang suplay sa bugas sa merkado.
Klaro usab matud pa nga walay kakulangon sa suplay sa N-F-A rice sa merkado.
Alayon niini, gipakagamay ni Agriculture Secretary Manny Piñol ang pagsupak sa grupong Anakpawis sa planong magtanom sa palay sa Papua New Guinea.
Matud sa Anakpawis, insulto sa mga mag-uuma nga magtanom sa palay sa ubang nasud nga mas lapad ang yuta sa Pilipinas.
Pero gibutyag ni Piñol, imbis nga magsaba, maghatag na lang sa alternatibong lakang ang Anakpawis kung unsaon nga mapangandaman ang kalig-on sa suplay sa pagkaon sa nasud.
-o0o-
Web photo
