NFA South Cotabato ginpanginwala nga nagstop buying.

36

Ginpanginwala sang pamunuan sang National Food Authority ukon NFA South Cotabato nga nagstop buying ang ahensya, kundi nagapadayon tubtob subong ang pagpamakal nila sang produkto nga palay sang mga mangunguma dire sa probinsya.
Sa pagkamatuod suno kay NFA Provincial Manager Nelson Sañada sang bulan sang Oktubre naglab-ot sa 281% ang ila nga accomplishement kag may pipila lang ka mga bodega nila ang puno nga kinahanglan nga ibalhin ang mga stocks.
Paklaro pa ni Sañada nga kon nanglista lang sila sang nagligad nga semana, ini tungod may nakasechedule na nga daan sang magdeliver tubtob sa Nobyembre 16.
Dugang pa niya nga ang mga nakalinya nga mga truck nga kargado sang palay sa gwa sang NFA South Cotabato ang nakaschedule na.
Samtang ginsiguro naman sang NFA provincial manager nga tanan nga magdeliver sa ila sang produkto nga palay ang ila pagabaklon base naman sa kamanduan.
Nahibaluan nga yara sa P19.00 kada kilo ang buying price sang NFA sa produkto nga palay.

Facebook Comments