Makatutuk nalang sa “local procurement” gikan sa mga mag-uuma ang National Food Authority (NFA) sa dihang ipatuman na ang Rice Tarrification Law karong buwan sa Abril.
Kini ang gipasabot ni Edna de Guzman, regional director sa NFA Caraga sa interview sa RMN DXBC Butuan.
Aminado si Dir. De Guzman nga limitado na ang gahum ug function sa NFA subay sa Rice Tarrification Law sama sa regulatory function nga dili na magamit sa ilang buhatan tungod kay mahimu naman nga maka-import ug bugas ang private sector.
Gipasalig ni Dir. De Guzman sa mga mag-uuma nga dili mabalaka ang mga mag-uuma kung magbaha na sa imported nga bugas diha sa merkado tungod kay paliton sa NFA ang uga nga humay sa tag 17 hangtud 20 pesos ang matag kilo.
Gumikan niini buhi gihapon ang produksyon sa mga local nga mag-uuma sa nasud.
[image: imported rice.jpg]
