Nagpinirmahay sa Memorandum of Agreement kon MOA ang Agro-Eco Philippines Inc. usa ka Non Government Organization nga naka basi sa Mindanao ug University of Science and Technology of Southern Philippines, kaganinang buntag.
Matud ni Dr. Ruth Cabahug, ang Chancellor, nga usa ka forum ang ilang gipahigayon sa Rotoras Gym, USTP nga gitambongan sa mga mag uuma nga gikan sa Mindanao.
Kini nag uluhan og “Perfect Combination: Farmers and Scientist Partnership on Agroecology, nga adunay temang Farmers and Scientist is the best way forward to address climate change, poverty and hunger.”
Tumong sa maong panaghiusa nga makamugna ang USTP og mga teknolohiya nga makatabang sa mga mag uuma sa ilang pagpananom.
Pinaagi niini, maangkon ang nindot nga mga produkto sa daling mga pamaagi.
