Todo deny samtang gahilak ang usa ka 36 anyos nga inahan nga gireklamo human nagpahulagway nga hubo ug giapil pa ang iyang 4 anyos ug 5 anyos nga mga anak.
Kini sa dihang gipatubag ang suspek sa dxCC-RMN Cagayan de Oro pinaagi ni RadyoMaN Zaldy Ocon sa programang Straight to the Point karong buntag.
Hinoon, giangkon sa inahan nga siya ang nagpapicture nga hubo alang sa iyang bana nga tua sa Saudi Arabia.
Apan gipanghimakak sa inahan nga siya ang mihimo sa paghulagway sa pribadong parte sa iyang mga anak ug gipadala sa usa ka kano pinaagi sa internet.
Mahinumduman nga kagahapong adlawa mibisita sa dxCC ang mga iyaan dala ang mga batang biktima sa wala pa hingpit nga gipasakaan og kasong child abuse ang inahan sa mga bata.
Gani gibutyag sa mga iyaan nga lakip pa ang 17 anyos nga anak sa suspek ang iyang gihuboan atubangan sa camera diin ang nagpicture ang 5 anyos nga bata.
