Gipasigarbo sa Department of Education pinaagi ni Nutrition Dietitian Maam Shiella Rose Balbanid ang mga Indigenous foods nga ginabaligya sa mga canteen sa nagkadaiyang tunghaan dinhi sa rehiyon sama sa nilung-ag nga saging ug kamote.
Nahisubay matud pa kini sa DepEd Order 13 series of 2017 o Policy Guidelines on Healthy Food and Beverage choices in schools and in DepEd offices.
Gawas niini, giimplementar usab sa ahensya ang Oplan Kalusugan nga nakasentro sa feeding program ug food safety and hygiene WASH sa mga tunghaan.
Ang matag tunghaan kinahanglang dunay Gulayan nga maoy gamiton pagluto atol sa feeding program aron daghang nutrisyon ang mahatag sa kabataan.
Ning kasamtangan, mikabat na sa 1.2 million ang populasyon sa DepEd hinungdang mas gihingusgan sa ahensya ang pag-promote sa hustong nutrisyon pinaagi sa mga gulay.
