General Santos City—gidunggab sa duha ka mga batan-on ang usa ka 24 anyos nga lalaki nga igo ra unta ng mupalit ug noodles sa usa ka tindahan sa Nuñez St., Brangay San Isidro, Gensan.
Ang biktima nailhang si Dennis Poras, 24, residenti sa Prk. Malinawon, Barangay San Isidro, Gensan.
Alas 10:00 pasado ang takna sa gabie dihang nigawas sa ilang panimalay ang biktima aron sa pagpalit ug Noodles sa tindahan sa Nuñez St., apan wala pa kini makaabot sa tindahan, siya gisugat na sa 2 ka mga suspek dayon gideretso ug dunggab sa likod nga bahin sa iyang ulo.
Paspas nga misibat ang mga suspek sa wala sayring lugar samtang ang biktima gidala sa balay tambalanan gumikan sa samad niining naangkon.
Sa karon padayon pang ginaila sa Police Station 4 ang mga suspek nga responsabli sa pagpanunggab kansa gituohang miyembro sa Children in conflict with the law (CICL) o mas nailhan sa tawag nga “BATANG SUKARAP”.
