Sultan Kudarat- Patay ang gikaingong carnapper human kining misukol sa kapulisan didto sa Barangay Poblacion, Tacurong City niadtong adlawng Sabado, June 16, 2018.
Giila ang suspetsado nga si Norsad Duma, residente sa Maganoy, Maguindanao.
Sa report sa Tacurong PNP nasuta nga human gikuha sa suspek ang usa ka motorsiklo nga usa ka Honda XRM misibat kini apan gigukod sa kapulisan. Nakabangga pa ang nasangpit sa usa ka tricycle.
Dihang na-corner sa awtoridad nakigpinusilay kini sa kapulisan hantod nga kini napuruhan nga hinungdan sa iyang kamatayon.
Nakuha sa posisyon sa nasangpit ang usa ka unit sa kalibre 38 nga pusil ug tulo ka buhing bala, ingon man (2) ka sachet sa gituohang shabu.
Facebook Comments
