Nagkatigum ang Committee on Repatriation on Stranded Residents of the Province of Bukidnon aron matabangan ang mga na-stranded sa laing dapit nga mga lumulupyo sa Bukidnon kaniadtong Mayo 6, 2020 didto sa Emergency Operation Center sa New National and Provincial Office Bldg., Kaamulan Capitol Compound, Malaybalay City.
Nanguna sa maong panagtigum ang Co-Chairman nga si Provincial Councilors League Ex-Officio Board Member Atty. Oliver “Owen” Garcia. Lakip nga mga membro niini ang mga membro sa Sangguniang Sangguniang Panlalawigan ang mga buhatan sa Provincial DILG, Provincial Health Office, Provincial Disaster Risk Reduction and Management Division (PDRRMD), Provincial Budget Office, Department of Health, ug Provincial Governor’s Office-Public Affairs, Information and Assistance (PGO-PAIA).
Gimugna ni Gov. Zubiri ang maong komitiba sa tumong nga matabangan ang mga lumulupyo sa Bukidnon nga makauli o matabangan pinaagi sa pinansyal ang mga na-strandedsa nagkalain-laing dapit gumikan sa pandemya nga COVID-19. Lakip nga tabangan sa maong komitiba ang mga na-stranded nga mga pasyente nga nagpatambal sa laing dapit, gov’t employees, mga nag-board exam o nagreview, mga studyante sa mga tulunghaan, OFW applicants, informal workers, ug lokal nga mga turista.
Gikan sa ilang nahimutangan, ang hotline sa PGO-PAIA motawag ug mo-verify sa ilang mga importanting impormasyon samtang ang DILG usab mopahigayon ug pag-verify sa mga pangalan sa ilang mga munisipyo o syudad ug barangay.
Mibisita usab ang mga membro sa maong komitiba sa Northern Mindanao Wellness and Reintegration Center nga maoy himoon nga Provincial Isolation Center aron masiguro nga plastar ang mahimutangan sa mga na-stranded nga mopailalom sa local quarantine protocolssama sa 14 day quarantine ug monitoringug laboratory testing.
Gipaniguro usab ni Governor Zubiri nga ang tanang proseso para sa mga na strandednga taga-Bukidnon libre ug walay bayad gikan sa ilang pagbyahi paingon sa Bukidnon ug galastuhon sa pagpahigayon sa quarantine protocols gumikan kay gigahinan na kini sa probinsya isip tabang kanila.
Alang sa niadtong mga na-stranded nga lumulupyo sa Bukidnon nga anaa sa laing dapit, pwedi kamong mo-contact sa PGO-PAIA Center sa mga numero 09178163191 ug 09177133556 para sa Globe ug TM ug 09985445693 para sa Smart ug Talk n’ Text.
