South Cotabato – malampusong nadakpan sa operatiba sa Norallah Municipal Police Station ang number 4 most wanted sa lungsod atol sa ilang gilusad nga manhunt Charlie sa Purok Mabuhay, Barangay Dumaguil, Norala, South Cotabato.
Giila ang suspetsadongna si Leonard Barcenilla Sareno, 29, ulitawo, laborer, ug residente sa samang lugar.
Hapon niadtong nakalabayng adlaw dihang gihimo ang operasyon batok sa suspek didto sa ilang panimalay diin bitbit sa Tropa sa kapulisan ang warrant of arrest sa kasong lugos nga giatubang sa suspek kansa una nang gipagula ni Honorable Judge Lorenzo F. Balo, acting presiding judge sa RTC Branch 26, Surallah, South Cotabato.
Wala na usab mipalag ang suspek dihang kini gidakop sa kapulisan gumikan sayod na syang daan nga siya dakpunon human kining gipasakaan ug kaso.
Sa kasamtangan balhog na ang suspek sa silda sa Norallah PNP ug commitment order nalang ang gihuwat aron mabalhin na ang nahisgutan sa Provincial Jail samtang mamahimo niining maangkon ang Temporaryong kagawasan higayon siya makapyansa ug P120,000.00 sa kasong iyang giatubang.
