South Cotabato— dakpan ang usa ka wanted nga may kasong lugos sa gipahigayong manhunt Charlie sa Purok Kauswagan, Barangay Saravia, Koronadal City.
Ang suspek giilang si Dionaldo Diamoda Sichico, 41, minyo, laborer ug lumulupyo sa maong lugar.
Nasikop ang nahisgutan pinaagi sa gahum sa Warrant Of Arrest sa kasong rape (Republic Act 7610) o Child Abuse Law nga una nang gipagula ni Honorable Judge Renato Tampac, presiding judge sa RTC Branch 25, 11th Judicial Region, Koronadal City.
Si Sichico ang Number 6 most wanted sa Koronadal City PNP. Nasayran nga dugay na kining gipangita sa kapulisan gumikan sa kasong iyang giatubang, ug dihang namonitor ang presensya niini a ilang panimalay, gilayon nga gihimo ang operasyon.
Sa kasamtangan commitment order nalang gikan sa korte ang gipaabot aron nga mabalhin na kini sa South Cotabato Provincial Jail human walay pyansang girekomenda sa kasong iyang giatubang.
