VICTORIAS CITY, NEGROS OCCIDENTAL – Natigayon nga madakpan sang Victorias City PNP sa buybust operation nga ginpatigayon sa Zone 5, Brgy. 6 Salvacion, sang amo nga ciudad ang mag-utod nga yara sa no. 7 sang drug watchlist.
Suno kay Victorias City PNP chief Police/Supt. Herman Garbosa ang mga suspek nga nadakpan amo sanday Jessie Navaja, 25 anyos ang edad, single kag ang iya magulang nga si Jay Navaja, 35 anyos ang edad, kasado kag lunsay pumuluyo sang amo nga lugar.
Nakuha sa posesyon sang mga suspek ang tatlo ka dalagku kag duha ka magagmay nga sachet sang ginpatihan shabu.
Lakip sa nakuha halin sa mag-utod amo ang P600 pesos nga buybust money subong man mga drug paraphernalia.
Sa karon ginahanda na ang kaso nga Violation of Section 5, 11 and 12 sang RA 9165 nga igapasaka batuk sa mga suspek.
