Gipatuman karon sa Cagayan de Oro City Police Office o COCPO ang no backpack policy sa mga simbahan ning syudad ilabina sa San Agustin Cathedral.
Kini ang gikumpirmar ni COCPO Spokesperson Police Supt. Mardy Hortillosa sa interview sa dxCC-RMN.
Matud ni Supt. Hortillosa nga ila kining gipatuman human sa nahitabong pagpamomba sa Jolo, Sulu.
Alayon niini, gihangyo sa COCPO ang katawhan nga kung mahimo dili magdala og backpack inig modalikyat sa mga simbahan.
Gibutyag usab niini nga kung dili malikayan nga makadala og backpack gikinahanglan nga ipasusi kini sa kapulisan aron masigurong luwas ang mga simbahan ning syudad.
Gidugang ni Supt. Hortillosa nga bisan kung wala sa sulod sa simbahan kung makita sa mga otoridad nga dunay kadudahang lihok sa mga gadala dala og bag gitahasan usab ang mga pulis nga susihon kini.
