Natalana na nga igapatuman sang city government sang Bacolod sumugod sa Marso 1, 2021 ang “ No BaCTrac, No Entry “ policy sa tanan nga mga business establishments lakip na sa mga hotels kag restaurants.
Ginpaathag ni Emergency Operations Center (EOC) Task Force, deputy for medical and data analysis Dr. Chris Sorongon nga ini nga tikang ang kabahin sang gina-duso nga amendments sa City Ordinance 941 ukon Covid-19 Contact Tracing System Ordinance of Bacolod City.
Suno pa kay Sorongon nga ang mga individual naman nga indi taga-Bacolod ukon naghalin sa ciudad kag banwa sa Negros Occidental ang dapat may yara sang BaCTrac nga ipakita kon ini sila ang magsulod sa mga business establishments sa Bacolod.
Samtang, iya pag ginpahayag nga indi na pagpahanugutan ang pag-gamit sang logbook bangud ini ang mahimo gid lamang nga source sang paglapta sang virus.
Nahibaluan nga sa karon madamo gihapon sang mga establishments nga nagapasulod lang sang tawo sa ila mga buildings bisan wala sang BaCTrac basta ini sila ang nakasulat lang sa logbook.
[image: image.png]
