Indi requirement ang PTA Fee ukon balayran sa tuition fees sa pagkuha sang first grading examination sang mga kabataan sa public schools.
Ini ang ginpahanumdom ni Dr. Lea Belleza, Information Officer sang Department of Education (DepEd) 6.
Ini kasunod man snag pila ka mga reklamo nga ginpalab-ot sa RMN Iloilo tuhoy sa mga school offcials nga nagapanukot sang mandatory nga balayran antes magkuha sang exam.
Santu sa reklamo nga ginpalab-ot sa RMN Iloilo, may mga eskwelahan nga indi magpakuha sang first grading exam sa mga estudyante nga indi makabayad sang PTA Fee.
Suno kay Belleza may ‘no collection policy’ ang DepEd.
Bisan ang mga mandatory fees kaangay sang boy scout, girls scout kag iban pa, indi pwede nga mapwersa sukot sang eskwelahan.
Angot diri, nagpanawagan si Belleza sa mga school authorities nga magstick sa guidelines sang DepEd.
“Ginapanawagan naton sa aton mga school authorities nga kinahanglan ma-stick kita sa aton nga guidelines…ang ton ginapacirculate nga indi kita magcollect sang ano [school fees] kag himuon ina nga requirements sa aton nga exam sa kabataan. Ginapanawagan man naton sa mga ginikanan in case may mga problema kag reklamo kamo, dangop kamo sa inyo pinakamalapit nga schools division office sa inyo lugar kag magreklamo sa ila. We asure the public nga i hatagan sang disicplinary actions agaisnt sa mga opisyal nga ini nga naga-obra sang indi para sa mga kabataan. We are the Department of Education kag dapat para sa kabataan ang aton trabaho,” ang pahayag ni Dr. Lea Belleza sa interview sang RMN Iloilo.
Photo from web
