Gikataho sa DSWD-Caraga nga aduna silay nadawat nga balita mahitungod sa mga nagsuroy-suroy nga mga grupo nga naga-panglista sa gustong magpa-miyembro sa Pantawid Pamilya ug sa Modified Conditional Cash Transfer for Indigenous Peoples (MCCT-IP). Sa ilang advisory gikataho nga ubay-ubay na ang miadto sa matag-probinsya aron sa pagpalista; apan hugot nga gipahimangnoan ang tanan nga ang programa sa 4Ps, WALAY gihimo nga registration o expansion alang sa mga miyembro sa pagkakaron. Wala usab kini mangolekta og bisan pila nga kantidad aron mangrehistro.
Tambag sa ahensya nga mangutana sa maong grupo kon unsa sila nga organisasyon og asa ang ilang mga pamatuod nga konektado sila sa DSWD.
Ug alang sa mga miyembro, muduol sa inyong City/Municipal Link ug i-report ang maong panghitabo o Magtext sa hotline number 0918-912-2813, lakip ang inyong pangalan, address, ug impormasyon sa panghitabo.
Sent from my Samsung Galaxy smartphone.
