Roxas City, Capiz- Liwat nga ginpahanumdom sang Philippine Coastguard Station- Capiz ang hugot nga pag-implementer sang “No Face Shield, No Ride Policy” sa mga nagapanakayon sa kadagatan.
Ini ang kaundan sang advisory nga ginpaguha kag pirmado ni Station Commander Edison Diaz base man sa ginpapanaog nga Memorandum Circular Number 2020-014 sang Department of Transportation ukon DOTr.
Tanan ang gina-obligar nga magsuksok sang face shield, face mask, maghugas sang kamot, kag mag-obserbar sang physical ukon social distancing bilang pagsunod sa “Health Standard Protocol” samtang yara sa sulod sang barko ukon sakayan pandagat tubtob nga makalab-ot sa destinasyon.
Matandaan nag-umpisa ang “No Face Shield, No Ride Policy” sang Agosto 7, 2020.
Facebook Comments
