Hugot nga igapatuman sang City Environment and Narural Resources (CENRO) ang Anti-Littering Ordinance sa selebrasyon sang Dinagyang Festival.
Ginpahayag ni Engr. Noel Hechanova, head sang City ENRO, napreparahan na nila ang himuon sa posible nga paglinapta sang mga basura sa highlight sang Dinagyang Festival.
Nakatutok ang Anti-Littering campaign sang CENRO sa access areas ukon sa mga dalanon nga gina-agihan sang mga pumuluyo kag may mga vendors pasulod sa mga lugar nga may mga aktibidad.
Isyuhan sang citation ticket ang madakpan nga nagalapas sa Anti-Litterring Ordinance.
Nagpalapta man ang CENRO sang mga posters batuk sa paglapta sang basura agud mapahanumdom ang mga bisita nga ipabilin ang katinlo sang dalanon sa panahon sang Dinagyang.
