Nagpaandam si PRO-6 Director Chief Supt. John Bulalacao sa publiko nga magalagaw sa syudad sang Iloilo subong nga Dinagyang nga mag-andam sa mga kawatan nga posible maga-atake.
Suno kay Bulalacao, apisar bastante ang kapulisan nga gindeploy para sa Dinagyang Festival, importante man nga mangin vigilante ang pumuluyo sa mga tawo nga may malain nga tinutuyo.
Ginarekomendar sang opisyal sa publiko nga dapat hibalu-on nila kon sa diin nakapwesto ang mga kapulisan para sa oras nga may insidente makapangayo sila gilayon sang bulig.
May mga Police Assistance Desks man nga ginpalapta sa mga strategic nga lugar sa syudad.
Ginpasiguro naman ni Bulalacao nga naka-alerto ang tanan nga kapulisan batuk sa tanan nga mga kriminal nga tuyo manghalit sa Dinagyang.
