Davao City – Pabor ug uyon ang usa ka nanag-iya og sakyanan sa giduso karon sa konseho nga ‘No Parking Space No Car’ ordinance.
Sa interbyu sa DXDC RMN Davao kang Joscille Obaob, car owner nga taga Catalunan Grande, Davao City, gibutyag niini angay lang gayud nga magbaton og parking area ang nanag-iya og sakyanan diin makatabang usab kini aron maminusan ang kaguot sa karsada sama sa sitwasyon karon sa downtown area ning syudad.
“Very good kaayo na nga idea kay para ma-lessen atoang problema sa kalsada,” saysay ni Obaob.
Dugang niini nga angay gayud nga ikonsidera ang parking area bisan pa man og aduna kay ikapalit og sakyanan, diin maapektuhan niini ang karsada labi na panahon sa emerhensiya sama sa pag-agi sa bombero o ambulansya.
“We should not think only for ourselves. Let’s say ka-afford ko makapalit pero if wala koy parking space sa akoang balay, makaulaw sa silingan ug maka perwisyo ko sa klsada,” dugang niini.
RadyoMaN Kirby Manzon
