Non-Bacolod residents kinahanglan nga mag-coordinate sa Provincial Capitol kag indi sa Bacolod LGU para sa travel requirements suno sa Bacolod EOC

10

Ginklaro sang Bacolod Emergency Operations Center (EOC) nga ang mga indi residente sang ciudad sang Bacolod ang kinahanglan nga mag-coordinate sa Provincial Capitol para sa kinahanglan nga travel requirements.

Suno sa EOC nga ang mga non-Bacolod residents ang pwede man nga mag-coordinate sa mga banwa ukon syudad nga puli-an para sa proper coordination.


Pahayag ni Dr. Chris Sorongon, deputy for medical sang EOC, madamo nga mga non-Bacolod residents ang misguided kag naga-assume nga kinahanglan pa nila nga mag-coordinate sa local government unit sang Bacolod antes nga makasulod sa tagsa ka mga banwa.

Ginklaro pa sang opisyal nga negative swab test result nga ginkuha sa sulod sang 72 hours kag indi negative rapid antigen test result ang kinahanglan para sa mga returning Bacolodnon.

Dugang pa ni Sorongon nga nagapabilin nga “unhampered” kag “unrestricred” ang byahe sa bilog nga Western Visayas.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments