Magapatigayon sang benefit concert and balladeer singer kag hitmaker nga si Nonoy Zuñiga upod ang contemporary singer nga si Rey Valera sa maabot nga December 7, 2017 sa SMX Convention Center, ciudad sang Bacolod.
Sa isa ka press conference sadtong Lunes, November 20 sa Seda Hotel, ginpahayag ni Zuñiga nga ang concert ang para sa benepisyo sang Kalipay Negrense Foundation.
Ang nasambit nga foundation ang nagatipig sa mga disadvantaged children, mga wala sang balay, mga physically kag sexually abused, malnourished, out of school youth kag mga special children.
Nalipay man si Zuñiga nga i-share ang iya gift of music sa mga taga-Bacolod kag Negros Occidental.
Nagbisita man si Zuñiga sa studio sang 94.3 iFM Bacolod para sa interview sadtong Lunes sa programa nga ‘Afternoon na Bestfriend’ kaupod si RadyoMaN Ryan kag RadyoMaN Lingling Supsup.
Si Zuñiga ang naka-20 na ka albums sumugod sadtong 1981.
May yara man siya sang mga negosyo sa Cebu kag nagsugod naman sa pag-record sang mga Visayan song nga malapit naman nga i-release.
—————
Like our official Facebook page: www.facebook.com/ifmbacolod943
