Liwat naglaunch sang ballistic missile ang North Korea subong nga aga sa bahin sang Sunan sa Pyongyang.
Ini matapos gin-aprobahan sang U.N. Security Council resolution ang panibago nga sanctions batok sa North Korea bangud sang ila nuclear test.
Gin-alerto sang Japanese government ang ila mga pumuluyo matapos nag-agi ang missile sa bahin sang northern Japan.
Nagsapol naman ang South Korea kag ang U.S agud tun-an ang liwat nga paglaunch sang missile sang North Korea.
Suno naman kay Japan Chief Cabinet Secretary Yoshihide Suga, nag-agi ang missile sa Japan kag nagtupa sa Pacific Ocean 2,000 km (1, 240 miles) east sang Hokkaido.
Madumduman nga nagpalupad man sang missile ang North Korea sang nagligad nga bulan malapit sa capital nga Pyongyang kag nag-agi sa Hokkaido.
