Mikabat sa sais mil ka mga anti body diagnostic kits sa tibuok Mindanao ang gi turn over gikan sa buhatan ni Senador Migz Zubiri.
Kaganinang alas 9 sa buntag, pormal nga gi turn over sa sakop ni Senador Migz Zubiri ang 2 mil ka mga rapid test kits, ngadto sa Department of Health Region 10 nga gamiton sa Northern Mindanao Medical Center kon NMMC kinsa gitumbok nga Covid-19 hospital sa Northern Mindanao.
Pormal kini nga gidawat ni Regional Director Dr. Adriano Subaan sa Department of Health ug ni Dr. Jose Chan ang Chief of Hospital sa NMMC.
Gawas niini, gi turn over usab kaganina ang 200 ka mga rapid test kits sa JR Borja General Hospital.
Sa kinatibuk-an, mikabat na sa 6,000 nga mga anti body diagnostic kit ang gi turn over sa buhatan ni Senador Migz Zubiri.
2,000 niini ang gi turn over sa Bukidnon Provincial Medical Center sa Malaybalay Bukidnon, 2,000 sa Northern Mindanao Medical Center, 1,000 sa Caraga Regional Hospital sa Surigao del Norte ug 1,000 sa Cotabato Region ug Medical Center sa Bangasamoro Autonomous in Muslim Mindanao.
Sunod semana, gitakda ang pag turn over sa laing rapid test kits sa Zamboanga.
