Mokabat sa 57 ka bag-ong kaso sa COVID-19 ang natala sa Northern Mindanao.
Base sa briefer nga gipagawas sa Department of Health Region 10 kagahapon, 45 ka kaso ang local transmission ug 12 ang Returning Overseas Filipinos o ROFs ug Locally Stranded Individuals o LSIs.
Sa local cases, upat sa Bukidnon, pito Lanao del Norte, usa Misamis Occidental, 14 Misamis Oriental, unom Cagayan de Oro City ug 13 Iligan City kung asa duha ang patay.
Samtang sa ROFs ug LSIs, tulo taga Bukidnon, duha Lanao del Norte, tulo Misamis Oriental ug upat Cagayan de Oro City.
Sa karon niabot na sa 2,567 ang kinatibuk-ang kaso sa COVID-19 sa Rehiyon kung asa taas gihapon ang local transmission cases nga naa sa 1, 332 ug naa sa 1, 235 ang kaso gikan sa ROFs/ LSIs.
Facebook Comments
