Ubos pa gihapon sa hulga sa terorismo ang Northern Mindanao ning panahona.
Kini ang gikompirmar ni PNP-10 spokesperson Supt. Lemuel Gonda, kinsa miingon nga nagpabilin sa gihapon ang hulga bisan kung gipaubos sa martial law ang Mindanao ning panahona.
Gumikan niini, padayong nakaalerto ang kapolisan kinsa hugtanong nagpahigayon og mga checkpoint aron masiguro ang seguridad sa katawhan ning rehiyon.
Nanawagan usab ang maong opisyal sa katawhan nga makig-koordinar sa kapolisan ug ipahibalo kanila ang unsa mang mga kadudahang lihok sa tawo o butang nga mabantayan.
Dugang pa niini, nga kini ang panahon nga magpakabana ang katawhan aron daling maaksyunan sa kapolisan ang unsa mang report nga gipaabot kanila.
By; Aiza Enloran and Ellah Baculio
Facebook Comments
