General Santos City–Notadong tigbaligyaan ug iligal nga droga ang dinakpan sa Police station 4 nga si Teodoric Luzon, hingkod ang panuigon nga taga Dacvill, Barangay Mabuhay, Gensan.
Sumala ni Police Chief Inspector Joel Martinez, chief of Police sa Police Station 4 nga ayha gipailawom sa buybust operation ang suspek, nanghinambog kini sa ilang lugar nga daghan sya’g baligyang shabu.
Usa ka concern Citizen ang mireport kanila mao nga gipailawom sa operasyon ang suspek.
Dugang pagbutyag ni PCI Martinez nga wala sa ilang drug watchlist ang pangalan ni Luzon.
Apan ilado na kining pusher sa ilang lugar. Nasayran nga orihinal nga target sa operasyon sa Police Station 4 ang asawa sa suspek apan wala ang nahisgutan dihang gihimo ang operasyon.
Nasayran nga gawas kang Luzon duna pay laing upat ka kaubanan niini ang gisikop human nakuhaan usab ug shabu.
