General Santos City—Notado nang tigbaligyaan ug iligal nga droga sa Barangay Apopong ang nidakpan sa Police Station 2 nga si Jonathan Enero, 37 anyos, residenti sa purok 6, New Society, Barangay Apopong Gensan. Kini ang gibutyag ni Police Chief Inspector Jeng Salarda, Hepe sa Police Station 2.
Sumala niini nga ilang nasayran ang iligal nga aktibidad sa suspek sa mga drug Surfacing personality nga nagpailawom sa Barangay Base Rehab program sa Barangay Apopong. Ilang gikwestyon nganong wala pa nasikop ang nasangpit nga dayag naman sa ilang lugar ang pagpamaligya niini ug shabu.
Tungod niini naglusad dayon ug surveillance ang Police Station 2 niadto pang mga nakalabayng bulan apan wala nasikop ang nahisgutan gumikan idlas kini sa kamot sa kapulisan.
Apan niadtong nakalabayng gabie didto ra kini nataymingan sa kapulisan ug nadakpan.
