BACOLOD CITY – Nadakpan ang notorious nga lider sang robbery group sa Bacolod pasado las 4 sini gid lamang nga kaagahon sa 13th Street, Bacolod City.
Nakilala ang suspek nga si Alex Barredo, alias Rondoy, 24 anyos sang Barangay Mambulac, Silay City, ginatudlo responsible nga naghold-up sa isa ka professor nga taga-Davao City sadtong nagligad nga semana.
Ginpahayag sang hepe sang Police Station 2, Police S/insp. Benedicto Villarias, Jr. nga nadakpan si Rondoy sa checkpoint matapos ini ang nasiplatan sa Purok Magnolia, Brgy. 7 diri sa ciudad.
Nakuha sa posisyon ni Rondoy ang isa ka kalibre .38 nga armas, isa ka granada kag tatlo ka sachet sang ginapatihan shabu.
Nagpinadulong na sa Station No. 2 ang mga biktima sa diin subong nga adlaw natalana ini nga i-inquest sa patong patong nga kaso.
