Pagadian City – Gipaslak na karon sa selda sa Pagadian City Police Station Lock Up Cell ang 45 anyos nga lalaki nga Top 10 Most Wanted Person sa Highway Patrol Group ug Gitoohang notorious nga carnapper.
Nagkasa ug Joint Police Operation ang tropa sa Pagadian City PNP, Provincial Highway Patrol ug personahe sa BJMP alas 2:20 sa Justice Hall, City Hall Complex, Gatas District ning syudad.
Niresulta kini sa pag-kasikop kang EDGAR ETORMA DELA CRUZ, ulitawo, residente sa Barangay Matas, Magpet, North Cotabato.
Gipasikad sa gahom sa Warrant of Arrest sa KASONG PAGLAPAS SA REPUBLIC ACT 9165 kun Comprehensive Dangerous Drugs Act of 2002 ug kasong pagpangarnap NGA GIPAGAWAS NI Judge Romeo Descallar, Regional Trial Court, Branch 19, Pagadian City.
Ang dinakpan gihatagan sa korte ug kahigayunan nga makapyansa sa kantidad nga 340 mil ka pesos.
