General Santos City— Dili kalampsuan alang sa rebeldeng New People’s Army ang mga engkwentrong nahitabo tali sa tropa sa gobyerno. Kini ang gibutyag ni Brig. General Jose Faustino, Commanding Officer sa 10th Infantry Division.
Sumala niya nga sukwahe matud pa sa deklarasyon sa NPA nga ceasefire ang ilahang ginahimo gumikan pabilin gihapon ang ilahang pagpangharass ngadto sa mga sibilyan.
Saysay pa niini nga dako ang nahimong epekto ngadto sa rebeldeng grupo ang ginahimong operasyon sa militar gumikan bisan ang pagsaulog nila sa ilahang anibersaryo ang apektado.
Dugang pamahayag ni BGen. Faustino nga dakong tabang alang sa militar ang impormasyon gikan mismo sa kumyunidad aron masayran ang mga plano sa rebeldeng grupo.
Pamahayag niya nga kung kani-adto adunay suporta ang npa gikan sa mga residente sa lugar, apan sa karon matud pa ginasumbong na sila sa otoridad ug ginatudlo na ang ilahang mga lokasyon.
Gihingusgan niini nga dili sila muundang sa pagpahigayong ug operasyon batok sa rebeldeng grupo hilabina nga wala sila magdeklara ug suspension of military operation kon SOMO.
