Nasikop sa Butuan City ang gialegar nga finance officer sa rebeldeng grupo nga NPA adlawng Byernes sa Hapon.
Nasayran nga gatago kini sa daghang alyas nga Lea, Ligaya, ug Laya apan ang tinuod nga pangalan niini kay Leonida Guao. Nasikop matud pa kini pinaagi sa joint police and military operation sa Barangay Bading, Butuan City probinsya sa Agusan del Norte banda alas 3 sa hapon adlawng byernes matud sa EMC kun Eastern Mindanao Command.
Napamatud an nga naa na sa kostudiya sa CARAGA regional police ang nahisgutan.
Matud pa nga si Leonida usa ka high ranking leader sa NPA kun New People’s Army.
Dugang ni Lt. Gen Benjamin R. Madrigal Jr., commander sa EMC malampusong nadakop ang nasayran tungod sa kooperasyon sa kumunidad kaubanan sa nagkalain laing ahensya.
Kahibaloan nga gitang tang ni Pangulong Duterte ang peacetalks sa mga rebelde ug gihimong terorista ang mga myembro sa CPP-NPA.
Unsa man ang imuhang opinyon kabahin niini bestfriend?
For more info’s and updates, like and share our official facebook account www.facebook.com/ifm91.9Gensanofficial/
