NPA, gi-angkon ang pagsunog ug pagkuha sa mga armas sa DAVCO

30

Gi-angkon sa New Peoples Army – South Central Bukidnon – Subregional Command (SCB-SRC) nga sila ang naghimo ug pagpanunog sa mga ekipo ug pagdis–arma sa mga gwardiya sa Davao Ventures Corporation (DAVCO) nga usa ka multinasyunal nga kumpanya.

Sa sulat pamahayag nga gipadala sa RMN gikan ni Ka Malem Mabini, ang tigpamaba sa New People’s Army- North Central Mindanao Region (NPA-NCMR) gi-angkon niini ang mao nga paglusob sa kompanya.

Matud ni Mabini nga ikatulo na kini ka higayon nga ilang gipahamtangan og punitibong aksyon isip hugot nga pahimangno nga dili na mag-ekspand sa ilang agri-ventures sa ubang lugar aron maprotektahan ang uban pang kayutaan.

Gawas sa pagsunod matud pa nila sa mga ekipo, ila usab daw nga gikuha ang mga armas sa duha ka security agency nga mao ang Mongoose ug Fireball security agency nga maoy nagsilbing gwardya sa maong kumpanya.

Nakumpiska matud pa nila ang 22 ka mga armas sukwahi sa pamahayag sa PNP Quezon nga 4 lamang.

Sa karon, nagpadayon ang gihimong hot pursuit operation sa kasundaluhan human ang paglusob sa New Peoples Army kon NPA sa DAVCO Compound.

Sa interview sa RMN Malaybalay ngadto kang 1st Lt. Erwin Bugarin ang spokesperson sa 8th IB gibutyag niini nga gawas sa operasyon batok sa walhong grupo, adunay gihimo usab nga legal nga lakang ang kapulisan aron maduso na ang kaso ang mao nga grupong naghimo sa pagpananug ug pagkawat sa mga armas gikan sa mga security guard.

Facebook Comments