Gin-ako sang New Peoples Army ukon Npa ang pag-ambush sa tropa sang Militar sa barangay Pangilihan, Janiuay mga alas 10:45 sang nagligad nga gab-i nga nagresulta sa pagkapilas sang anum ka mga suldado.
Sa ginpaguwa nga pahayag sang Coronacion “Waling-waling” Chiva command pinaagi sa ila spokesman nga si Ka Julio Montana, ginpahayag sini nga gin-ambush sang NPA sa idalum sang Jose Percival Estocada Command.
Ginpahayag sini nga nangin kabangdanan sang ambush ang pila ka semana na nga paghiwat sang combat operation sang 61st IB sa kabukiran sang Janiuay kon sa diin nagatuga ini sang kahadluk sa mga pumuluyo kag mga mangunguma.
Gintawag sini nga notorious sa pagpangluthang, panghostage kag pagpamahog sa mga tawo sa kaumhan ang 61st IB kag ginapasibangud lang sa NPA.
