ISABELA – Gin-ako sang mga katapo sang New People’s Army ang pagpatay kay Kapitan Agapito ‘Petong’ Euroba sang Barangay Sang Agustin.
Sa press statement sang Leonardo Panaligan Command paagi kay Ka JB Regalado nga nagin madilag-on ang ila pagpatay kay Kapitan Euroba sang las 4 sang hapon sang nagligad nga Agosto 10, 2018.
Pila ka mga rasones nga ila ginpaguwa amu nga padayon nga nagaserbe asset si Kapitan sang militar, korapsyon sa barangay kag pagkapriso sang walo sa onse ka mga mangunguma matapos ang ila partisipasyon sa natabo nga encounter sang nagligad nga Disyembre 12, 2012.
Suno sa NPA nga sang Enero 23, 2016 ginpaandaman na si Euroba sang iya nga ginapanghimo paagi sa pagdis-arma kag pagpalayas sa barangay.
Apang sang 2017, nagbalik si Euroba kag liwat nga ginkadtuan sang NPA para tagaan tsansa.
Imbes nga magbag-o, napakakig-angot pa si Kapitan Euroba sa mga katapo sang militar rasun nga padayon ang military operation sa Barangay San Agustin.
Wala pa nakahatag sang komento ang pamilya ni Kapitan Euroba angot sa akusasyon sang mga rebelde.
