NEGROS OCCIDENTAL – Gina-deny naman sang The New People’s Army Apolinario Gatmaitan Command nga sila ang may kahimu-an sa pagpatay kay Senior Inspector Porferio Gabuya, ang deputy police chief sang Guihulngan City, Negros Oriental.
Suno kay NPA-Negros spokesman – Ka Juanito Magbanua, nga base sa ila nga record nga wala sang criminal record sa NPA si Gabuya sa diin kon may yara sila sang tawo nga gin-execute, wala nila gintak-an ang ila mga nawong.
Madumduman nga si Gabuya ang gin-luthang sang riding-in-tandem sa gwa lang sang ila nga police station samtang ini ang nagapangape.
Samtang, gindugang pa ni Magbanua nga maga-implement ang NPA sang cease-fire ukon untat-lupok sa Negros Island sumugod Disyembre 24 tubtob Disyembre 26 kag Disyembre 31 tubtob January 1. /dyHB BACOLOD
