Gitumbok sa 8th Infantry Battalion, Philippine Army nga ang mga New People’s Army kon NPA ang anaa sa likod sa pagpusil patay kang Canangaan, Cabanglasan, IP mandatory representive Sammy Diwangan.
Sa interview sa RMN Malaybalay ngadto kang 1Lt. Kenneth Cabbigat, ang civil military operation officers ug tigpamaba sa 8th IB gibutyag niini nga gisaysay sa anak ni Sammy nga nakita niya ang upat ka mga suspek nga maoy nagpusil sa iyang amahan.
Matud ni Cabbigat nga walay laing suspek sa pagpatay ni Sammy kon dili ang mga NPA lamang nga naglihok sa San Fernando ug Cabanglasan.
Sigun niini nga base sa testimonya sa mga kanhi rebelde nga nisurender sa kasundaluhan nga dugay na matud pang gi-plano sa guerrilla front 6 ang pagpatay ni Diwangan.
Gidugang pa ni Cabbigat nga usa sa pinaka-motibo nga ilang nakita mao ang hugot nga pagsupak ni Diwangan sa grupong NPA sa ilang kalihukan ug pagpangrecuit sa Barangay Canangaan kini subay usab sa gipahayag ni Diwangan ngadto sa kasundaluhan niadtong buhi pa kini.
Gipahayag pa ni Lt. Cabbigat nga sa karon padayon ang ilang pag-imbestiga pinaagi sa gitukod nga fact finding team sa otoridad.
