*General Santos City— Nagkahuyang na ang grupo sa rebeldeng New People’s Army kon NPA kini ang gibutyag ni Col. Adonis Bajao, commanding officer sa 1002nd brigade.*
*Sumala niya nga dako ang nahimong epekto sa ubay-ubay nga miyembro sa kalihukan nga mibalik sa sabakan sa gobyerno. Apan anaa gihapon ang ilahang mga ginahimo nga mgha pagpang-recruit sa kabukiran.*
*Kung asa higayon nga aduna na silay ma-recruit gilayon matud pa nila kining gina-armasan ug ginahaylo ang kabanay pinagi sa paghatag ug kwarta sulod sa usa o duha ka bulan.*
*Kalabot niini, gibutyag ni Col. Bajao nga luyo pa man sa huyang nga presensya sa rebeldeng NPA, duna gihapon silay kapasidad nga maghimo ug kasamok.*
*Rason nga padayon nilang ginabantayan ang mga lugar nga ilaha ng nadeklarang cleared gikan sa presensya sa NPA gumikan sa posibleng ilaha kining balikan.*
*Dako man usab ang ilahang pagtuo nga pinaagi sa tabang sa mga lokal nga panggamhanan ug mga residnete sa ilahang area of responsibility, kaya kaayo nilang mapakgang ang presensya sa NPA.*
