Davao City – Gidala na sa Davao City Police Office kun DCPO ang New Peoples Army kun NPA top leader nga si Elizalde Tormis Cañete o Ka- Jinggoy kaganinang hapon.
Sumala ni DCPO director Police Senior Supt. Alexander Tagum, hugot nga seguridad ang gipatuman karon sulod ug gawas sa DCPO tungod sa pagkustodiya kang Ka-Jinggoy nga leader sa Pulang Bagani Command.
Nag atubang kini karon og 12 ka mga kaso sama sa frustrated murder ug murder diin kahinumduman nga si Ka-Jinggoy maoy gitudlong nanguna sa gihimong pagpanunog sa Lapanday Food Corp sa Mandug niadtong miaging tuig nga gikamatay sa usa ka fish vendor nga si Larry Buenafe.
Kahinumduman nga nadakpan ang maong NPA leader kinsa nagpatambal niadtong May 12 sa Don Carlos Doctors Hospital sa Bukidnon human napagan sa engkwentro tali sundalo ug NPA sa Kitaotao, Bukidnon.
RadyoMan Don Pulayao
