Compostela Valley – Naaresto sa kapolisan ug mga sakop sa 71ST IB ang usa ka membro sa New Peoples Army (NPA) sa syudad sa Tagum sa adlaw’ng Huwebes, Disyembre 6, 2019.
Dinakpan giila sa pangalan nga Merlyn Escasinas, hamtong ang panuigon, minyo, ug residente sa syudad sa Tagum, sakop sa Guerilla Front 2 sa NPA.
Gisikop ang akusado sa kapolisan bitbit ang warrant of arrest nga giluwatan sa Regional Trial Court Branch 3 Nabunturan sa kasong Illegal Detention niadtong tuig 2014.
Gitudlo sa usa ka alyas Chang nga kaipon ni alyas Jupiter ang nahimutangan ni Merlyn nga kanhi asawa.
Kahinumduman nga nangayo ug tabang si alyas Chang ngadto sa 71st IB human siya nanganak sulod sa Davao Regional Medical Center niadtong milabay’ng bulan diin gitubag sa kasundaluhan ang gasto sa hospital.
Migawas sa imbestigasyon nga love triangle ang hinungdan sa pagkasikop sa akusado.
RadyoMaN Jules Catisay
