Nailhan na ang usa ka sakop rebelding New Peoples’ Army (NPA) nga napatay sa engkwentro didto sa lungsod sa RTR, Agusan del Norte niadtong nakalabyang semana.
Sa impormasyon nga gipaabot ni Capt. Al Anthony Pueblas, CMO sa 402nd Brigade Phil. Army, giila ang NPA nga napatay nga si Dominador Catape, Jr., lomolopyo sa Sitio Poog, brgy. Maitom, Tandag City.
Madumduman nga nag-engkwentro sa trop sa 29th IB Phil. Army ang mga sakop sa NPA didto sa brgy. Tagbongabong, RTR sa dihang mirespondi ang kasundaluhan sa report nga adunay presensya sa mga NPA nga nangilkil sa mga residenti sa lugar.
Atol sa maong engkwentro nakuha ang kasundaluhan ang usa ka AK47 nga armas nga adunay sulod nga buhing bala.
Nasayran nga si Dominador maoy team lider sa sentro de grabidad sa Guerilla Front 21 nga naglihok sa probinsya sa Agusan del Norte.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
